«Робофест-Олекма-2016»

IMG_8921

Кулун тутар 5 күнүгэр Кыыллаах орто оскуолатыгар оройуоннааҕы «РобоФест-Олекма-2016» күрэхтэһиитэ буолан ааста. Барыта 9 хамаанда 18 оҕо РДЮЦ, 1- Нөөрүктээйиттэн, 2- Нөөрүктээйиттэн уонна Даппарайтан кытыннылар.

Күрэхтэһии наһаа тыҥааһыннаахтык, интэриэһинэйдик барда. Хамаандаҕа иккилии оҕо «Шорт-трек», «Чертежник» көрүҥнэргэ кытыннылар. Сарсыарда 10:30 чаастан  күнүс 1 чааска диэри кыра группа 11 саастарыгар диэри, 12 саастарыттан  улахаттарга кииристилэр.

Минньигэс эбиэт кэнниттэн көрүҥнэрин атастастылар. Күрэхтэһии үс чааска түмүктэннэ. Улахаттарга 1 миэстэни «Чертежник» көрүҥҥэ «Tracker» хамаанда Соловьев Афанасий уонна Ксенофонтов Ратмир, сал.Роев Анатолий Анатольевич ылла. 2 миэстэни «Spiker» хамаанда Дорофеев Айтал, Солдатов Вячеслав (сал.Роев А.А.). «Шорт-Трек» көрүҥҥэ улахаттарг «Тускул 1» 1 миэстэни ылла, Петров Артем, Яковлев Аркадий ыллылар (сал. Малгаров И.И.). 2 миэстэни «Тускул 2» хамаанда чилиэннэрэ Алексеев Вася, Ларионов Матвей (сал. Барашков В.М.). Кыраларбыт да хаалсыбакка оонньоотулар. «Чертежник» көрүҥҥэ «Быстрый Вихрь» хамаанда оҕолоро Кондратьев Миша, Габышев Марат (сал. Григорьева М.Д., Григорьев Д.Н.) кыайдылар. 2 миэстэни «МегаЛом» хамаандаттан Макаров Вадим, Варданян Рома (сал. Григорьева М.Д., Григорьев Д.Н.) ыллылар. Аны кыраларга «Шорт-Трек» көрүҥҥэ 1 уонна 2 миэстэни «МегаЛом», «Быстрый Вихрь» ыллылар.

Бу күрэхтэһии спонсордарынан «ZXClub» (ИП Стручков А.О. «Норд» торговай киин, иккис этээс) электроника уонна бытовой техника маҕаһыына уонна бэйэбит оскуолабыт (директор Макарова А.П.) буоллулар, кинилэргэ махталбыт муҥура суох. Оҕолор араас бириистэри тутан үөрэн-көтөн дьиэлэригэр тарҕастылар.

Аля Корнилова, 9 кылаас,
Андрей Латышев, 10 кылаас
Кыыллаах орто оскуолатын
“Сыккыс” пресс-киинэ.

IMG_9016

IMG_9019

IMG_9023

IMG_9045

IMG_9046

IMG_9049

IMG_9051

IMG_9072

Оставьте комментарий.

Войти с помощью: 

4 + семь =